Tuva starta med hundekjøring som 14-åring, og har kjørt fleire løp dei siste åra. Denne sommaren er ho ferdig med ein bachelor i økonomi og administrasjon, og har fleire års erfaring innan reiseliv. Tuva finn du både i resepsjonen og på kjøkkenet, men mest sannsynleg med hundane. Er du heldig får du vera med på ein sledetur.

Ingvild er utdanna lærar, og har jobba i over 15 år på barneskule. Dei siste åra har ho vore menighetspedagog på Stord, og er no klar for å leva ut draumen om ei turisthytta. Ingvild er ho med det store smilet, og tar utfordringar på strak arm!

Hans-Petter er òg utdanna lærar, og har lang erfaring med alternativ-opplæring og ungdomsskole. No jobbar han som klubbkoordinator i idrettslaget Solid på Stord. Hans-Petter er den som fikser alt som må fiksast og er rå på planlegging og logistikk!

Are er studenten i familien og er for det meste i Bergen. Er me heldige er han innom i blant! Are er datageniet av oss, og den som kan å ta bileter. Ei kreativ sjel som alltid har noko på gong. Han gjekk i fotspora til mamma og pappa og tok musikklinja på Vgs. Are spelar blant anna trommer, teater og synger, og er alltid med på det som skjer. Me gledar oss alltid til å få han på besøk!